Машраб Бобоев шеър ўқиганда кўзларидан ўт чақнагандек
бўларди
Сизни билмадим-у, аммо менинг назаримда
киши олтмиш ёшнинг нари-берисида бот-бот ўлим ҳақида ўйлаб қоларкан. Ҳатто
қабристонга борганингда, қабринг қаерда бўлишини зоҳиран чамалагандай бўласан.
Бунинг
боиси шундаки, устозлар ва дўстлар сени бирин-кетин тарк этиб кетавергач, бобо
Яссавий айтган «чўбин от» сени ҳам излаётганига ва муқаррар етиб келишига ишонч
ҳосил қилаверасан.
