Беҳбудий ҳайкали ҳақида

  _____________________________________________________

   Jadidlar  harakatining sarvari, o’zbek dramaturgiyasi va publitsistikasining asoschisi Mahmudxo’ja BEHBUDIYning kitob muqovasida aks etgan haykali 2006-yilda adib Nusrat RAHMATning tashabbusi va mablag’i hisobiga bunyod etilgan edi. Tegishli tashkilotlardan ruxsat olish uchun, u kishi rosa ovora bo’lganligidan xabardorman. Keyinroq, yozuvchi Behbudiy hayoti haqida hikoyalardan iborat roman yozib, uning muqovasini haykal ochilishida olingan surat bilan bezadi. Ushbu asar bilan esa “TurkLib.ru,  Ziyouz.uz,  Nusratrahmat.blogspot.com  saytlari orqali tanishish mumkin.

         “ Mazkur haykal(byust)ni tiklashda,- deydi Nusrat aka,- Samarqand viloyat O’qituvchilar malakasini oshirish va qayta tayyorlash institutining sobiq rektori A.Aminov, haykaltarosh (rahmatli) Ergashxon Qahhorov va Behbudiy hazratlarining nabira, evaralari ham bel bog’lab xizmat qilishdi. Agar Qashqadaryolik birodarlarimiz shunday tashabbus bilan chiqishsa, ko’magimizni ayamasdik. Bu yumushning eng qiyin tomoni rasmiyatchiliklarni yengib o’tishdir. Endilikda haykal tiklash uchun shahar, viloyat hokimligi va Resbublika Vazirlar mahkamasi qoshidagi komissiyalarning qarori talab qilinadi. Nima bo’lganda ham,  jadidlar sardori shahid bo’lgan joyda u kishining haykali bo’lishi shart”.

                                                           Toshpo’lat  RAHMATULLAYEV     

                                                                 rtasnpulat.blogspot.com

  Жадидлар ҳаракатининг сарвари, ўзбек драматургияси ва публицистикасининг асосчиси Маҳмудхўжа БЕҲБУДИЙнинг китоб муқовасида акс этган ҳайкали 2006 йилда адиб Нусрат РАҲМАТнинг ташаббуси ва маблағи ҳисобига   бунёд этилган эди.  Тегишли ташкилотлардан рухсат олиш учун, у киши роса овора бўлганлигидан хабардорман. Кейинроқ,  ёзувчи  Беҳбудий ҳаёти ҳақида роман ёзиб, унинг муқовасини ҳайкал очилишида олинган сурат билан безади.   Ушбу асар билан эса  “TurkLib.ru,  Ziyouz.uz,  Nusratrahmat.blogspot.com сайтлари орқали танишиш мумкин          

      “ Мазкур ҳайкал(бюст)ни тиклашда,  дейди Нусрат ака, Самарқанд вилоят Ўқитувчилар малакасини ошириш ва қайта тайёрлаш институтининг собиқ ректори А.Аминов, ҳайкалтарош ( раҳматли) Эргашхон Қаҳҳоров ва Беҳбудий ҳазратларининг набира, эваралари ҳам бел боғлаб хизмат қилишди. Агар қашқадарёлик биродарларимиз шундай ташаббус билан чиқишса, кўмагимизни аямасдик. Бу юмушнинг энг қийин томони, расмиятчиликларни енгиб ўтишдир. Эндиликда ҳайкал тиклаш учун шаҳар, вилоят ҳокимлиги ва Республика Вазирлар маҳкамаси қошидаги комиссияларнинг  қарори талаб қилинади.  Нима бўлганда ҳам, жадидлар сардори шаҳид бўлган жойда  у кишининг ҳайкали бўлиши шарт”.

                                                             Тошпўлат РАҲМАТУЛЛАЕВ     

                                                                 rtasnpulat.blogspot.com

 

WELCOME TO EXHIBITION

  Assalomalaykum!

Welcome to exhibition!

The wooden spoons are one of the ancient items of mankind, and they are not only kitchen or tablecloth necessity, but unique work of art as well. Some folk considered them to be the means of livelihood, and decorated it with different prayers, patterns and flowers. In a lot of countries a wooden spoon became the musical instrument and dancing element. In most cases the craftsmen made them from fruit trees, and a soup ladle, tablespoons, teaspoons were ornamented with carvings according to their volume. Such spoons conferred not only portions but esthetic pleasure as well.

And this is one of the main reasons of mine to save the wooden spoons for future generation. During the forty years I had been looking for a wooden spoon in markets, antique and souvenir shops of every country I’ve visited. Afterwards my kin initiated presenting a wooden spoon.  Here you can see several centuries old spoons of Jews, Indians and Georgians, alongside with Chingiz Aytmatov, Mirsharif  Xujayev, Oshiq Erkin, Mashrab Boboyevs’  and others presents.

Nowadays almost in all countries the iron and plastic spoons are being used. But one shouldn’t forget that a wooden spoon is very useful to human body and it is ecologically clean production.

There are approximately two hundred spoons relating to four continents in this museum. Their patterns don’t repeat each other; they are diverse in their shape and volume.

I hope you will get a lot of pleasure from the exhibition seeing the spoons which sometimes decorated your tablecloth and became your close friend. May God bless you and your family with happiness!

ҚЎЛДА ҚАЛАМ ВА БЛОКНОТ БИЛАН...

 Мен бор умримни қошиқ йиғишга сарфлаганим йўқ. албатта.  Бу,  камина учун тўртинчи, бешинчи даражали юмуш эди.  Куч-қудратим, тафаккуримни солиҳ фарзандларни вояга етказиш; романлар, қиссалар, ҳикоялар, очерклар, мақолалар ёзишга бахшида этдим. Айрим асарларим мендан сўнг ҳам йиллар оша яшашига ишонаман! Аммо шуларнинг барига қарамай, ўзимни ёзувчидан кўра кўпроқ журналист, мухбир деб ҳисоблайман.

   Умрим давомида  юртим шаҳар-қишлоқларидан ташқари Буюк Хитой девори, Помир тоғларида;   Деҳли кўчалари, Қизилқум саҳросида, Бухоро жин кўчалари, Қора денгиз соҳилларида,  Дубайнинг осмонўпар бинолари, Украина заповедникларида; Москва  истироҳат боғлари, Гуржистон чой плантатсиялари ва бошқа жойларда  бўлдим.
   Қўлда қалам ва блокнот билан, албатта!

   Эҳ, кимлар ва нималар ҳақида қалам тебратмадим мен...

   Редакция топшириғи билан қамоқхона, жиннихона ва ҳатто,  моргга ҳам кириб чиққанман!

   Илло, сарбаланд эди, мухбирлар, бизнинг замонларда!!!

   

ҚОШИҚЛАР ҲАҚИДА

    Ассаломалайкум!

    Ёғоч  қошиқлар инсониятнинг қадимий  ашёларидан бири бўлиб, нафақат ошхона ёки дастурхон зарурати, балки ўзига хос санъат асари ҳамдир. Бир қатор халқлар уни ризқ-рўз рамзи деб билишган ва  турфа дуолар, нақшлар, гуллар билан безатишган. Талай юртларда ёғоч қошиқ мусиқа асбоби  ва рақс элементига айланган. Усталар уларни, кўп ҳолларда,  мевали дарахтлардан ясашган ва чўмич, ош қошиқ, чой қошиқларнинг ҳажмига қараб, ўймакор нақшлар билан зеб беришган. Бундай қошиқлар насиба улашиш билан бирга,  эстетик завқ ҳам ато этган.

    Каминанинг ёғоч қошиқларни келажак авлод учун сақлаб қолишдан умидим ҳам ана шу омилдир. Қирқ йил давомида, қайбир юртда бўлсам, бозорлар, антиквар ҳамда совға дўконларидан ёғоч қошиқ излаганман. Кейинчалик  қавмларим ҳам  қошиқ совға қиладиган бўлишди. Бу ерда яҳудийлар, ҳиндлар, гуржиларнинг бир неча асрлик қошиқлари, шунингдек, Чингиз Айтматов, Миршариф Хўжаев, Ошиқ Эркин, Машраб Бобоев ва бошқаларнинг совғалари бор.

    Ҳозир, деярли  ҳамма жойда  темир ва пластик қошиқлардан фойдаланишади. Аммо, ёғоч қошиқ табиийлиги билан инсон организмига эш ва экологик жиҳатдан тоза эканлигини унутмаслик керак.

   Мазкур музейда тўрт қитъага тегишли бўлган икки юзга яқин қошиқ бор. Уларнинг нақшлари бир-бирини такрорламайди;  ҳажми, шакли ҳам турли-туман.

    Бир замонлар дастурхонингизга зеб бериб турган ҳамда  қадрдонингизга айланган қошиқларни ногоҳ шу жойда учратиб, қувончга тўлишингизни ва умуман, кўргазмадан сархуш бўлишингизни Худодан тилаб  қолардим.